Rossiyalik olimlar “Foton-M” sun’iy yo‘ldoshini orbitadan qaytarish chog‘ida Yerga meteoritlar yordamida koinotdan hayotni olib kelish mumkinligini isbotladi. Bu haqda Rossiya Fanlar akademiyasi Mikrobiologiya instituti ilmiy xodimi Aleksandr Slobodkinga tayanib, “TASS” xabar bermoqda.
“Biz termofil bakteriyalarimizdan biri atmosferaning qalin qatlamlaridan o‘tishda meteorit yuzasida tirik qolishini ko‘rsatib berdik”, — dedi Slobodkin Moskvadagi koinot biologiyasi va aviakosmik tibbiyot konferensiyasida.
Uning aytishicha, qurilma yuzasiga diametri 10 santimetr, qalinligi 1 santimetrga teng ikkita bazalt shayba o‘rnatilgan, ularning har biriga 12 ta chuqurcha teshib qo‘yilgan va turli bakteriyalardan 15 milligramm namuna joylangan. Qurilma qaytib kelgach, 24 ta yacheykaning 3 tasida bir turdagi bakteriyalar saqlanib qolgan bo‘lgan.
Izoh (0)