Россиялик олимлар «Фотон-М» сунъий йўлдошини орбитадан қайтариш чоғида Ерга метеоритлар ёрдамида коинотдан ҳаётни олиб келиш мумкинлигини исботлади. Бу ҳақда Россия Фанлар академияси Микробиология институти илмий ходими Александр Слободкинга таяниб, ТАСС хабар бермоқда.
«Биз термофиль бактерияларимиздан бири атмосферанинг қалин қатламларидан ўтишда метеорит юзасида тирик қолишини кўрсатиб бердик», — деди Слободкин Москвадаги коинот биологияси ва авиакосмик тиббиёт конференциясида.
Унинг айтишича, қурилма юзасига диаметри 10 сантиметр, қалинлиги 1 сантиметрга тенг иккита базальт шайба ўрнатилган, уларнинг ҳар бирига 12 та чуқурча тешиб қўйилган ва турли бактериялардан 15 миллиграмм намуна жойланган. Қурилма қайтиб келгач, 24 та ячейканинг 3 тасида бир турдаги бактериялар сақланиб қолган бўлган.
Изоҳ (0)