Syerra-Leoneda Ebola bezgagidan Maykl Kargbo ismli shifokor vafot etdi, u mamlakatda ushbu virus tufayli ko‘z yumgan yettinchi tibbiy xodim bo‘ldi, deb yozadi “Korrespondent.net”.
Reuters agentligi yozishicha, shifokor Ebola bilan kasallanganlarni bevosita davolash bilan shug‘ullanmagan. Ayni paytda mutaxassislar uning virusni aynan qayerda yuqtirganligini aniqlamoqda.
Jahon sog‘liqni saqlash tashkilotining so‘nggi ma’lumotlariga ko‘ra, Ebola virusidan vafot etganlarning umumiy soni 5 177 kishiga, ushbu virusni yuqtirib olganlar soni esa 14 413 kishiga yetdi.
Izoh (0)