Rossiya strategik aviatsiyasining patrullik qilinadigan olis tumanlarga parvozlari Rossiya chegaralari yaqinida NATO maxsus operatsiyalari kuchlari joylashtirilganiga javoban qayta boshlandi. Bu haqda Rossiya prezidenti Vladimir Putin Germaniyaning ARD telekanaliga bergan intervyusida aytib o‘tdi, deb yozadi “Vedomosti”.
U NATOning kengayib borishi geosiyosiy makonni o‘zgartirishini aytib, alyans bazalari sonining oshganiga ham e’tibor qaratdi.
Putinning ta’kidlashicha, Rossiya strategik aviatsiyasi parvozlarini to‘xtatish haqidagi qaror 1992-yilda qabul qilingan, biroq amerikaliklar avvalgi yo‘nalishlar bo‘yicha Rossiya chegaralari yaqinida o‘z yadroviy kuchlari bilan patrullik qilishda davom etavergan.
“Hech narsa sodir bo‘lmayotgani, hech kim bu siyosatni qo‘llab-quvvatlamayotganini ko‘rganimizdan so‘ng, patrullik qilinadigan olis tumanlarga strategik aviatsiyamiz parvozlarini qayta tikladik”, — dedi Putin. U patrullik faqat xalqaro hududda olib borilishini ta’kidladi.
Izoh (0)