Buyuk ipak yo‘li bo‘ylab mototsiklda sayohat qilayotgan yaponiyalik turist Sayito Xisao O‘zbekiston hududiga kirdi, deb xabar bermoqda “Pravda Vostoka”.
Nashr muxbirlari uni Uchqo‘rg‘on tumanidan Namangan shahriga ketayotganda uchratib, intervyu olgan. Yaponiyalik mehmonning aytishicha, uning sayohati besh oyga mo‘ljallangan bo‘lib, O‘zbekiston, Qozog‘iston, Rossiya, Ozarbayjon, Gruziya, Turkiya, Gretsiya, Sloveniya, Shveysariya, Fransiya va Portugaliyaga borishni rejalashtirgan.
“O‘zbekiston bo‘ylab sayohat davomida ushbu mamlakatda mehnatsevar va bunyodkor xalq yashashiga amin bo‘ldim. Bog‘lar va maydonlar boshqa joylardagi kabi bo‘sh yotmay, mo‘l hosil yetishtiriladi. Qayerga borsam ham o‘zimga doim yaxshi munosabatda bo‘linganini his qildim. Bu faqatgina haqiqatdan yaxshi xalqning qo‘lidan keladi”, − dedi sayyoh.
Izoh (0)