O‘tgan yilning mayida Samarqandda dunyoga kelgan uch egizaklar — Sabina, Sabrina va Safinaning ota-onasiga va’da qilingan uy hali ham taqdim etilmadi, deb yozadi “Samarkandskiy Vestnik” gazetasi.
Shahar hokimiyati o‘z uyiga ega bo‘lmagan Azamat Rahmatov va Aziza Haqberdiyevaning ko‘p farzandli yosh oilasi uchun alohida uy ajratishga va’da bergan edi. Ta’kidlash joiz, oilada uch egizakdan tashqari, yana bir qiz va o‘g‘il farzandlar bor.
Texnika fanlari nomzodi Azamat Rahmatov turar joy bilan bog‘liq ushbu masalaning tez orada hal bo‘lishiga umid qilib qoldi.
Gazetada ta’kidlanishicha, mazkur muammoni hal qilishga “Kamolot” yoshlar ijtimoiy harakati hissa qo‘shishi mumkin. Eslatib o‘tamiz, O‘zbekiston Respublikasi Vazirlar Mahkamasining 2014-yil 8-sentabrda qabul qilingan “Mamlakatning ijtimoiy hayotida faol qatnashayotgan yosh oilalarni uy-joy bilan ta’minlashni yanada qo‘llab-quvvatlash chora-tadbirlari to‘g‘risida”gi qaroriga asosan, “Qoraqalpog‘iston Respublikasi, viloyatlar va Toshkent shahrida ko‘p kvartirali uylar qurish hamda mavjud foydalanilmayotgan va qurilishi tugallanmagan obyektlarni yosh oilalar uchun ko‘p kvartirali uylar etib rekonstruksiya qilish” belgilab qo‘yilgan.
Izoh (0)