“O‘zbekturizm” milliy kompaniyasida 2014-yilning 9 oyi davomida olib borilgan faoliyatga bag‘ishlangan majlis bo‘lib o‘tdi. Bu haqda MK rasmiy sayti xabar berdi.
Unda ta’kidlanganidek, kichik biznes va xususiy tadbirkorlikni rag‘batlantirish bo‘yicha olib borilgan tadbirlar natijasida sayyohlik faoliyati subyektlari soni oshdi: 2014-yilning yanvar—sentabrida 60 ta yuridik shaxsga litsenziyalar berildi.
Turizm sohasi uchun yuqori malakali kadrlarni tayyorlash maqsadida 2014-yilning 9 oyi davomida “O‘zbekturizm” MK Respublika ilmiy-o‘quv markazida turizm sohasining 796 nafar mutaxassislari qayta tayyorlash va malaka oshirish kurslarida o‘qidi.
Bundan tashqari, majlisda 2013—2015-yillarda Turizm sohasini rivojlantirish mintaqaviy dasturlarini amalga oshirish bo‘yicha olib borilgan ishlar tahlil qilindi hamda “O‘zbekturizm” MKning mintaqaviy bo‘linmalari rahbarlari va vakillariga ushbu dasturlar monitoringi rejasini ishlab chiqish yuklandi.
Izoh (0)