O‘zbekiston hukumati 2015—2019-yillarda arab moliya institutlarining 700 million dollar miqdoridagi kreditlarini jalb qilishni rejalashtirmoqda. Bu haqda O‘zbekiston Tashqi iqtisodiy aloqalar, investitsiyalar va savdo vazirligi vakiliga tayanib, “RIA Novosti” xabar berdi.
“Ushbu mablag‘larni ajratish haqidagi kelishuvlar o‘tgan haftada Toshkentda Arab muvofiqlashtiruvchi guruhi a’zolari majlisida imzolandi”, — dedi TIAISV vakili.
Uning aniqlik kiritishicha, o‘zbek tomoni majlisda Arab muvofiqlashtiruvchi guruhi mablag‘larini jalb qilgan holda amalga oshirilishi rejalashtirilgan, umumiy qiymati 1,6 milliard dollarlik investitsiyaviy loyihalar ro‘yxatini taqdim etgan.
Xususan, ushbu mablag‘ tibbiy muassasalar, OTMlarni jihozlash, umumta’lim maktablarida muqobil energiya manbalarini joriy qilish, kanalizatsiya tizimini rekonstruksiya qilish va suv ta’minotini yaxshilash, shuningdek milliy avtomagistral qurilishini tugallash va temir yo‘llarni elektrlashtirishga yo‘naltiriladi.
Izoh (0)