Xalqaro mehnat tashkiloti eksperti bolalar mehnatiga chek qo‘yish bo‘yicha katta progressga erishgani uchun O‘zbekistonni maqtov bilan tilga oldi, deya xabar bermoqda Yahoo! News Agence France Presse’ga tayanib.
BMTning O‘zbekistondagi mehnat bo‘yicha kuzatuvchisi Harri Taliganing aytishicha, bu yil O‘zbekiston birinchi marotaba paxta dalalarida bolalar mehnatiga chek qo‘yish borasida olib borilgan ishlar bo‘yicha o‘z monitoringini tashkil qildi. “Ushbu monitoring muvaffaqiyatli kechdi, deb ayta olaman”, — dedi u.
Taliga monitoringning Xalqaro mehnat tashkiloti texnik ko‘magida o‘tkazilganini aytib o‘tdi. “O‘tgan yili berilgan tavsiyalarning allaqachon amalda qo‘llanila boshlagani quvonarlidir”, — dedi u.
Kuzatuvchining qo‘shimcha qilishicha, ushbu monitoring natijalari tez orada Jenevada tashkilot ekspertlari tomonidan ko‘rib chiqiladi.
Izoh (0)