Joriy yil oxirigacha Toshkentda “Maxsustrans” korxonasining qattiq maishiy chiqindilar to‘plash uchun mo‘ljallangan 200 ta yangi punktlari quriladi. Bu haqda Vazirlar Mahkamasining 27-oktabrdagi qaroriga tayanib “Gazeta.uz” nashri xabar bermoqda.
Poytaxtning barcha tumanlarida chiqindi yig‘ish punktlari qurilishiga mahalliy byudjetning qo‘shimcha manbalari hisobidan 3,1 milliard so‘m yo‘naltirish rejalashtirilmoqda.
Har yili chiqindini chiqarib ketish xizmatidan foydalanuvchi jismoniy va yuridik shaxslarni to‘liq inventarizatsiya qilish ko‘zda tutilgan.
Bundan tashqari, “Billing” kompyuterlashtirilgan dasturini mukammallashtirish hisobiga zamonaviy axborot-kommunikatsiya tizimini joriy qilish va transport texnikasini masofadan turib nazorat qilishning avtomatlashgan tizimi bilan jihozlash rejalashtirilgan.
Izoh (0)