Hindiston Tadbirkorlik instituti (Indian Institute of Entrepreneurship, IIE) 2015-yilda O‘zbekistonda bandlik markazlarini ochadi. Bu haqda The Times of India nashriga tayanib, UzDaily xabar berdi.
IIE vakili Sanjay Palning aytishicha, Institut 2004-yilda O‘zbekiston Tashqi ishlar vazirligiga mamlakatda Bandlik markazi ochishni taklif qilgan. U o‘zbek tomoni loyihani ma’qullaganini va birinchi markazni ochish bo‘yicha ishlar boshlanganini ta’kidladi.
Ilk markaz 2015-yil aprelida ochiladi. U IIEning Markaziy Osiyodagi dastlabki bunday markazi bo‘ladi. Institut bungacha Laos, Kamboja, Vyetnam va Myanmada ham shunday markazlar ochgan.
Markazlarda o‘qitish yangi korxonalar yaratish va biznes yuritish bo‘yicha yangi imkoniyatlarni aniqlash bo‘yicha dasturlarni o‘z ichiga oladi. Birinchi markaz Toshkentda ochiladi, so‘ng ular Samarqand, Farg‘ona va Sirdaryo viloyatlarida ham paydo bo‘ladi.
Izoh (0)