BMT Bosh kotibi Pan Gi Mun xalqaro donorlarni qurib, yo‘qolib borayotgan Orol dengizi suv hafzasi ekologik halokatining oldini olishda yanada faolroq ishtirok etishga chaqirdi. Bu haqda BMT yangiliklar markazi xabar bermoqda.
U 28-oktabr kuni Urganch shahrida ochilgan “Orol dengizi mintaqasidagi ekologik ofat oqibatlarini yumshatish bo‘yicha hamkorlikni rivojlantirish” mavzusidagi xalqaro konferensiya ishtirokchilariga video maktub bilan murojaat qildi.
Pan Gi Mun ta’kidlashicha, BMTning qator muassasalari, jumladan Markaziy Osiyodagi preventiv diplomatiya bo‘yicha BMT mintaqaviy markazi ushbu hududdagi aholining hayot sharoitlarini yaxshilash va halokatning ekologik oqibatlari oldini olish bo‘yicha bor imkoniyatlarini ishga solmoqda.
BMT Bosh kotibi ushbu harakatlar donorlar tomonidan qo‘llab-quvvatlanishiga umid bildirdi. Uning qayd etishicha, hech qaysi mamlakat Orol dengizi fojiasiga qarshi kurashni yolg‘iz eplay olmaydi.
Izoh (0)