KXDR yetakchisi Kim Chen In 40 kun ichida birinchi marta omma oldida paydo bo‘ldi, deya xabar bermoqda “TASS” “STAK”ka tayanib. U olimlar uchun qurilgan yangi turar joy majmuasiga tashrif buyurdi.
“U rang-barang keramik plita bilan bezatilgan turar joy va jamoat binolari fasadlarini ko‘zdan kechirayotganida mamnun ko‘rindi”, — deb yozadi “STAK”.
KXDRda Kim Chen Inning yangi fotosuratlari ham tarqatilgan. Rasmlarda uning qora hassaga tayanib yurganini ko‘rish mumkin. Biroq fotosuratlar qaysi sanada olinganiga aniqlik kiritilmagan.
Avvalroq Kim Chen In avgust oxiri — sentabr boshida o‘tkazilgan harbiy mashg‘ulotlar chog‘ida jarohat olgani, sog‘lig‘i qayta tiklanishi uchun 100 kuncha talab etilishi xabar berilgan edi.
Eslatib o‘tamiz, 10-oktabr kuni Shimoliy Koreya yetakchisi Kim Chen In Koreya Mehnat partiyasi tashkil etilganining 69 yilligi munosabati bilan bo‘lib o‘tgan bayram tadbirlarida qatnashmadi.
Avvalroq Kim Chen In sentabr oyida og‘ir operatsiyani boshidan kechirgani haqida xabar berilgan edi.
25-sentabr kuni 3 haftadan buyon ommaga ko‘rinmagan Kim Chen In KXDR oliy xalq kengashining navbatdagi sessiyasida qatnashmagani xabar qilingan edi. Shu kuni KXDR televideniyesida Kim Chen Inning oqsoqlanayotgani ko‘rsatilgan bo‘lib, yetakchining sog‘lig‘i joyida emasligi ham aytilgan.
Izoh (0)