Facebook rahbari va asoschisi Mark Sukerberg Indoneziya prezidenti Joko Vidodo bilan uchrashuv chog‘ida uni mamlakat hududida internetga ulanishni yaxshilashga chaqirdi. Bu haqda “RIA Novosti” xabar bermoqda.
Sukerberg Indoneziyaga butun dunyo bo‘ylab foydalanuvchilarni asosiy veb-servislarga kirish imkoniyati bilan ta’minlash maqsadiga ega bo‘lgan Internet.org dasturini targ‘ib qilish maqsadida keldi.
Uning fikricha, aholiga Facebook va boshqa saytlarga kirish imkoniyatining berilishi Indoneziya iqtisodiyotiga ham yordam beradi.
Mahalliy internet-provayderlar assotsiatsiyasi ma’lumotlariga ko‘ra, o‘tgan yili indoneziyaliklarning 28 foizidagina butunjahon tarmog‘iga ulanish imkoniyati bo‘lgan.
Izoh (0)