Adolf Gitler narkotiklar, xususan metamfetamin va psixotrop dorilarni muntazam ravishda qabul qilgani ma’lum bo‘ldi. Bu haqda Britaniya kinematografchilari tomonidan AQSh harbiy razvedkasi arxividan olingan hujjatlarga tayanib, “TASS” xabar berdi.
Ushbu materiallar asosida Channel 4 telekanali “Gitler: maxfiy giyohvand” hujjatli filmini yaratdi. Uning premyerasi 19-oktabr kuni Buyuk Britaniyada bo‘lib o‘tadi.
Hujjatlar fyurerning 74 turdagi tibbiy preparatlarni, jumladan narkotiklarni qabul qilganini oshkor etgan. 1943-yil yozida Mussolini bilan uchrashuvdan avval u metamfetamin dozasini qabul qilgan, bu unga ikki soat davomida his-tuyg‘ularga to‘la nutq so‘zlashga yordam bergan.
1943-yil oxiriga kelib, Gitler to‘liq psixotrop dorilar izmiga tushib qolgan. Urushning so‘nggi kunlarida esa u ba’zan sutkasiga 9 tagacha narkotik inyeksiyalar olgan.
Izoh (0)