Myanmada davom etayotgan U-19 yoshlar o‘rtasidagi Osiyo chempionatining “C” guruhida 3-tur o‘yinlari yakuniga yetdi. Bu haqda Stadion.uz xabar bermoqda.
Yaponiya va Janubiy Koreya o‘rtasidagi uchrashuvda yapon yoshlari 2:1 hisobida ustun keldi va olti ochko to‘plab guruhda birinchi o‘ringa ko‘tarildi hamda chorak final yo‘llanmasini qo‘lga kiritdi.
Guruhning ikkinchi juftligida Xitoy va Vyetnam yoshlari uchrashdi. Deyarli butun o‘yin davomida vyetnamliklar hisobda oldinda bordi. Asosiy vaqt tugashiga uch daqiqa qolganda Tang Shi hisobni tenglashtirish bilan birga Xitoyni chorak finalga olib chiqqan gol muallifi bo‘ldi. Ushbu durangdan so‘ng, Xitoy besh ochko bilan guruhda ikkinchi o‘rinni egalladi.
Janubiy Koreya yoshlari esa alamli tarzda guruhdan chiqa olmadi. Yaponlar bilan uchrashuvda ularga durang ham kifoya edi.
U-19 Osiyo chempionati (“C” guruhi)
Janubiy Koreya — Yaponiya: 1:2
Gollar: Kim Kun Xi (29) - T. Minamino (13, 65)
Xitoy — Vyetnam: 1:1 (1:0)
Gollar: Tang Shi (87) - Xoan Tan Tung (20)
Izoh (0)