Janubiy Koreyaning Incheon shahrida yakuniga yetib borayotgan 17-Osiyo o‘yinlarining badiiy gimnastika yakkalik bahslarida sovrindorlar nomi aniqlandi, deb xabar berdi “Olamsport”.
Kecha jamoaviy bahslarda O‘zbekiston terma jamoasi oltin medalni qo‘lga kiritgani haqida xabar berilgandi.
Bugungi yakkalik bahslarda o‘zbekistonlik ikki nafar sportchi qiz ishtirok etdi.
Jamila Rahmatova to‘rtta mashqda jami 67,799 ball to‘pladi va to‘rtinchi o‘rinni egalladi. 68,349 ball jamg‘argan Anastasiya Serdyukova esa Osiyo o‘yinlari bronza medalini qo‘lga kiritdi.
Oltin medalni janubiy koreyalik Son Yeonjaye (71,699 ball), kumushni esa xitoylik Deng Senyuuye (70,332 ball) qo‘lga kiritdi.
O‘zbekiston hisobida endi to‘qqizta oltin, 11 ta kumush va 20 ta bronza medal mavjud. O‘zbekiston terma jamoasi ayni paytda umumiy reytingda 8-o‘rinda bormoqda.
Izoh (0)