Incheon shahri (J.Koreya)da davom etayotgan XVII yozgi Osiyo o‘yinlarida mamlakatimiz yengil atletikachilari delegatsiyamiz hisobiga yana ikkita kumush medalni keltirdi, deya xabar bermoqda O‘zbekiston Milliy olimpiya qo‘mitasi matbuot xizmati.
1-oktabr kuni yengil atletikachilarimiz 100 va 400 metr masofaga to‘siqlar osha yugurish bahslarida qatnashdi. Valentina Kibalnikova 100 metrga to‘siqlar osha yugurishning final bosqichida 13,47 soniya natija ko‘rsatib, beshinchi o‘rinni egallagan bo‘lsa, 400 metr masofaga to‘siqlar osha yugurishda Natalya Asanova 1:00,42 natija bilan 8-o‘rinni band etdi. Uch hatlab sakrash bahslarida ishtirok etgan yana bir tajribali sportchimiz Anastasiya Juravlyova 13,64 sm natija bilan yettinchi o‘rinni, o‘nkurash musobaqalarida qatnashgan Marat Haydarov esa 8-o‘rinni egalladi.
Ayni paytga kelib O‘zbekiston sportchilari hisobida 8 ta oltin, 11 ta kumush va 14 ta bronza medallari mavjud bo‘lib (shundan 6 ta oltin, 9 ta kumush, 12 ta bronza medalini erkaklar — 2 ta oltin, 2 ta kumush, 2 ta bronza medalini xotin-qizlar qo‘lga kiritishdi), umumjamoa hisobida delegatsiyamiz 9-o‘rinda bormoqda.
Quyida, XVII Osiyo o‘yinlarida shu kunga qadar sovrinli o‘rinlarni band etgan sportchilarimiz ro‘yxati berilgan:
Yengil atletika (1 ta oltin, 2 ta kumush, 1 ta bronza)
Oltin – Yekaterina VoroninaKumush – Aleksandra KotlyarovaKumush – Leonid AndreyevBronza – Yuliya Tarasova
Baydarka va kanoeda eshkak eshish (2-1-2)
Oltin – Aleksey MochalovOltin – Vadim MenkovKumush – Ernest IrnazarovBronza – Serik Mirbekov va Gerasim Kochnev (ikki kishilik qayiqda), Sergey Borzov, Vyacheslav Gorn, Aleksey Mochalov, Aleksandr Tronin (to‘rt kishilik qayiqda).
Sport gimnastikasi (0-3-0)
Kumush – Oksana ChusovitinaKumush – Anton FokinKumush – Abdulla Azimov
Badiiy gimnastika (1-0-0)
Oltin – Jamila Raxmatova, Valeriya Davidova, Anastasiya Serdyukova, Ravilya Farxutdinova (jamoaviy)
Dzyudo (0-1-4)
Kumush – Dilshod Choriyev (-90 kg)Bronza – Mirzohid Farmonov (-66 kg)Bronza – Ramziddin Saidov (-100 kg) Bronza – Abdulla Tangriyev (+100 kg) Bronza – Rishod Sobirov, Abdulla Tangriyev, Dilshod Choriyev, Navro‘z Jo‘raqobilov, Yahyo Imomov, Mirzohid Farmonov, Soyib Qurbonov, Sarvar Shomurodov (jamoaviy).
Taekvondo (1-3-0)
Oltin – Jasur Boyqo‘ziyev (-87 kg)Kumush – Dmitriy Shokin (+87 kg)Kumush – Nikita Rafalovich (-74 kg)Kumush – Maksim Rafalovich (-80 kg)
Tennis (0-0-1)
Bronza – Denis Istomin, Farrux Do‘stov, Temur Ismailov, Sanjar Fayziyev (jamoaviy)
Erkin va yunon-rum kurashi (3-1-3)
Erkin kurash (2-0-2)
Oltin – Bekzod Abdurahmonov (-70 kg)Oltin – Rashid Qurbonov (-74 kg)Bronza – Ixtiyor Navro‘zov (-65 kg)Bronza – Umidjon Ismanov (-86 kg)
Yunon-rum kurashi (1-1-1)
Oltin – Rustam Assakalov (-85 kg)
Kumush – Dilshodjon Turdiyev (-71 kg)Bronza – Besiki Soldadze (-80 kg)
Og‘ir atletika (0-0-3)
Bronza – Mahliyo Tog‘ayeva (-48 kg)Bronza – Ulug‘bek Alimov (-85 kg)Bronza – Sardorbek Do‘stmurodov (-105 kg).
Izoh (0)