Жанубий Кореянинг Инчеон шаҳрида якунига етиб бораётган 17-Осиё ўйинларининг бадиий гимнастика яккалик баҳсларида совриндорлар номи аниқланди, деб хабар берди «Olamsport».
Кеча жамоавий баҳсларда Ўзбекистон терма жамоаси олтин медални қўлга киритгани ҳақида хабар берилганди.
Бугунги яккалик баҳсларда ўзбекистонлик икки нафар спортчи қиз иштирок этди.
Жамила Раҳматова тўртта машқда жами 67,799 балл тўплади ва тўртинчи ўринни эгаллади. 68,349 балл жамғарган Анастасия Сердюкова эса Осиё ўйинлари бронза медалини қўлга киритди.
Олтин медални жанубий кореялик Сон Еонжае (71,699 балл), кумушни эса хитойлик Денг Сенюуе (70,332 балл) қўлга киритди.
Ўзбекистон ҳисобида энди тўққизта олтин, 11 та кумуш ва 20 та бронза медаль мавжуд. Ўзбекистон терма жамоаси айни пайтда умумий рейтингда 8-ўринда бормоқда.
Изоҳ (0)