Munisa Rizayeva o‘zining 7-8-9-oktabr kunlari bo‘lib o‘tadigan yakkaxon konsert dasturiga tayyorgarlik ko‘rish bilan band, deb xabar bermoqda Popcorn nashri.
Qo‘shiqchining aytishicha, har kuni erta tongdan repetitsiya boshlanadi. “Ayni damda professional raqqosalar bilan sinxron raqsni sahnalashtirilmoqdamiz. Ochig‘ini aytadigan bo‘lsam, mening muxlislarim konsert dasturimni uzoq kutishdi va men shunga yarasha katta tayyorgarliklar bilan ularga ko‘p ‘syurpriz’lar hozirlaganman. Sahna ko‘rinishidan tortib, raqslargacha tamoman hech kim o‘ylamagan tarzda bo‘ladi”, — dedi u.
Yaqindagina shov-shuvga aylangan muammolar haqida berilgan savolga javoban, Munisa, “kayfiyatni tushirmagan holda konsert tashvishlari bilan ovoraligini” bildirdi.
Eslatib o‘tamiz, yaqinda Munisa Rizayevaning ma’muri Jahongir bir necha odamni katta pulga chuv tushirib, o‘zi Qozog‘istonga qochib ketgani xabar berilgan edi.
Qayd etilishicha, Jahongirdan boshqalarga nisbatan Munisa Rizayeva ko‘proq jabr ko‘rib, katta pulga tushgan. Ayni damda tergov ishlari boshlang‘ich jarayonda bo‘lgani bois summa va mazkur ish bilan qaysi tuman IIB shug‘ullanayotgani ma’lum qilinmadi.
Izoh (0)