Муниса Ризаева ўзининг 7-8-9 октябрь кунлари бўлиб ўтадиган яккахон концерт дастурига тайёргарлик кўриш билан банд, деб хабар бермоқда Popcorn нашри.
Қўшиқчининг айтишича, ҳар куни эрта тонгдан репетиция бошланади. «Айни дамда профессионал раққосалар билан синхрон рақсни саҳналаштирилмоқдамиз. Очиғини айтадиган бўлсам, менинг мухлисларим концерт дастуримни узоқ кутишди ва мен шунга яраша катта тайёргарликлар билан уларга кўп ‘сюрприз’лар ҳозирлаганман. Саҳна кўринишидан тортиб, рақсларгача тамоман ҳеч ким ўйламаган тарзда бўлади», — деди у.
Яқиндагина шов-шувга айланган муаммолар ҳақида берилган саволга жавобан, Муниса, «кайфиятни туширмаган ҳолда концерт ташвишлари билан оворалигини» билдирди.
Эслатиб ўтамиз, яқинда Муниса Ризаеванинг маъмури Жаҳонгир бир неча одамни катта пулга чув тушириб, ўзи Қозоғистонга қочиб кетгани хабар берилган эди.
Қайд этилишича, Жаҳонгирдан бошқаларга нисбатан Муниса Ризаева кўпроқ жабр кўриб, катта пулга тушган. Айни дамда тергов ишлари бошланғич жараёнда бўлгани боис сумма ва мазкур иш билан қайси туман ИИБ шуғулланаётгани маълум қилинмади.
Изоҳ (0)