3-sentabr kuni yangi Galaxy Note 4 planshetofoni taqdim etilgani haqida xabar berilgan edi. Xuddi shu tadbirda Note 4’ning botiq displeyli versiyasi — Samsung Galaxy Note Edge ham tadim etildi. Bu haqda The Verge ma’lumotiga asoslanib “Parol” nashri xabar berdi.
Note Edge planshetofoni Quad HD+ Super AMOLED displeyga ega. Uning Note 4’dan farqi ham aynan displeyi ko‘rinishi va xususiyatida. Eslatib o‘tamiz, Note 4’da Quad HD AMOLED displey o‘rnatilgan.
Planshetofonda kamera funksiyalari displeyning botiq joyida joylashtirilgan va ularni shu yerdan boshqarish mumkin. Bu bilan suratga olayotganingizda kamera tugmalari displeyni to‘sib qolmaydi.
Galaxy Note Edge botiq displeyli planshetofoni joriy yilda ayrim mamlakatlarda sotiladi. Hozircha uning narxi va qachondan boshlab sotila boshlanishi noma’lum. Ushbu ajoyib dizayndagi gadjetning suratlarini ushbu manbada tomosha qiling.
Izoh (0)