3 сентябрь куни янги Galaxy Note 4 планшетофони тақдим этилгани ҳақида хабар берилган эди. Худди шу тадбирда Note 4’нинг ботиқ дисплейли версияси — Samsung Galaxy Note Edge ҳам тадим этилди. Бу ҳақда The Verge маълумотига асосланиб «Пароль» нашри хабар берди.
Note Edge планшетофони Quad HD+ Super AMOLED дисплейга эга. Унинг Note 4’дан фарқи ҳам айнан дисплейи кўриниши ва хусусиятида. Эслатиб ўтамиз, Note 4’да Quad HD AMOLED дисплей ўрнатилган.
Планшетофонда камера функциялари дисплейнинг ботиқ жойида жойлаштирилган ва уларни шу ердан бошқариш мумкин. Бу билан суратга олаётганингизда камера тугмалари дисплейни тўсиб қолмайди.
Galaxy Note Edge ботиқ дисплейли планшетофони жорий йилда айрим мамлакатларда сотилади. Ҳозирча унинг нархи ва қачондан бошлаб сотила бошланиши номаълум. Ушбу ажойиб дизайндаги гаджетнинг суратларини ушбу манбада томоша қилинг.
Изоҳ (0)