AQSh prezidenti Barak Obama Boltiqbo‘yi mamlakatlarida AQShning harbiy ishtiroki kuchaytirilishini, jumladan Estoniyadagi harbiy dengiz bazasiga harbiy havo kuchlari qismlari joylashtirilishini aytdi. Bu haqda “RIA Novosti” Obamaning Tallindagi matbuot anjumanida so‘zlagan nutqiga tayanib xabar berdi.
“Bugun men Boltiqbo‘yi mamlakatlarida AQShning harbiy ishtirokini kuchaytirish bo‘yicha tashabbus harbiy o‘quv mashg‘ulotlari o‘tkazish uchun HHKning qo‘shimcha qismlari va samolyotlar joylashtirishni o‘z ichiga olishini e’lon qilishim mumkin”, — dedi Obama.
Avvalroq NATO bosh kotibi Anders Fog Rasmussen alyans Sharqiy Yevropada yangi bazalar ochishini e’lon qilgan edi. Bunga javoban Rossiya NATOning sharqdagi harbiy ishtirokini kuchaytirish Yevroatlantika barqarorligiga ziyon yetkazishi aytgan va o‘z xavfsizligini ta’minlash uchun alyans xatti-harakatlariga qarshi javob qilishga va’da bergan edi.
Izoh (0)