АҚШ президенти Барак Обама Болтиқбўйи мамлакатларида АҚШнинг ҳарбий иштироки кучайтирилишини, жумладан Эстониядаги ҳарбий денгиз базасига ҳарбий ҳаво кучлари қисмлари жойлаштирилишини айтди. Бу ҳақда «РИА Новости» Обаманинг Таллиндаги матбуот анжуманида сўзлаган нутқига таяниб хабар берди.
«Бугун мен Болтиқбўйи мамлакатларида АҚШнинг ҳарбий иштирокини кучайтириш бўйича ташаббус ҳарбий ўқув машғулотлари ўтказиш учун ҲҲКнинг қўшимча қисмлари ва самолётлар жойлаштиришни ўз ичига олишини эълон қилишим мумкин», — деди Обама.
Аввалроқ НАТО бош котиби Андерс Фог Расмуссен альянс Шарқий Европада янги базалар очишини эълон қилган эди. Бунга жавобан Россия НАТОнинг шарқдаги ҳарбий иштирокини кучайтириш Евроатлантика барқарорлигига зиён етказиши айтган ва ўз хавфсизлигини таъминлаш учун альянс хатти-ҳаракатларига қарши жавоб қилишга ваъда берган эди.
Изоҳ (0)