Ispaniyalik rassom o‘z suratlarida O‘zbekistonga sevgi izhor etdi

Ispaniyalik rassom Eduardo G. G. o‘zining Facebook’dagi sahifasida O‘zbekistonga o‘z ijod namunasi orqali sevgi izhor qildi.

U ilova qilgan rasmda sevgi ramzi sifatida keltirilgan yurak belgisi atlas naqshlari bilan bezatilganini ko‘rish mumkin.

Eduardoning akkauntidagi rasmlar uning dunyoning ko‘p mamlakatlarida bo‘lganidan darak beradi. U turli davlatlardagi tarixiy inshootlar va manzaralarni o‘z asarlarida muhrlagan.

Ular orasida Buxoro, Samarqand va Xiva bilan bog‘liq suratlar ham bor.

O‘z Instagram’ida yozishicha, Eduardo bir necha yil avval O‘zbekistonga sayohat qilib kelgan. “Yaqin orada u yerga yana bormoqchiman”, — deya qayd etgan u.