O‘zbekistonlik bokschi Bahodir Mamajonov ugandalik Akabani mag‘lubiyatga uchratdi

AQShda 23-avgust kuni o‘zbekistonlik professional bokschi Bahodir Mamajonov o‘zining navbatdagi jangini o‘tkazdi. Unga ko‘ra, Bahodir ugandalik Osuma Akabaga qarshi ringga ko‘tarildi. Jang Ogayo shtatining Kolambus shahrida bo‘lib o‘tdi, deb xabar bermoqda “Olamsport”.

Akaba shu kungacha 36 ta jang o‘tkazib, shularning 31 tasida g‘alaba qozongan, 24 jangda raqiblarini nokaut bilan mag‘lub etgandi. Hisobida beshta mag‘lubiyatli jang bor edi. Bugun mag‘lubiyatlar ustunidagi ko‘rsatkich oltitaga yetdi. 

Bahodir Mamajonov esa professional faoliyatida 17 ta jang o‘tkazib, 16 tasida zafar quchgan. 11 ta nokautga ega va faqat bir marotaba mag‘lubiyat alamini totib ko‘rgan.

Kolambus shahridagi jang Osuma Akaba ustidan zafar quchgan Bahodirga o‘n yettinchi g‘alabani keltirdi.