Xalq ta’limi vazirligi: “O‘zbekiston maktablariga qabul uchun ‘qo‘shimcha shartlar’ noqonuniydir”

Facebook’dagi “Общественный контроль” (“Jamoatchilik nazorati”) guruhida O‘zbekistonda maktab yoshiga yetgan bolalarni maktablarga berishda ba’zi muammolar kuzatilayotgani haqida xabarlar paydo bo‘ldi. Unda ba’zilar farzandlarini maktabga qabul qilishdan bosh tortishayotganini aytgan bo‘lsa, ba’zilar A gepatitiga qarshi emlangani haqida ma’lumotnoma so‘rashayotganini ta’kidlagan. Yana boshqa hollarda esa ota-onalardan maktabga moddiy yordam berish yoki qurilish materiallari yetkazib berishni so‘rashgan.

“Uz24” nashri shu xabarlarga asoslanib, Xalq ta’limi vaziri nomiga rasmiy xat bilan chiqdi va javob xati oldi. Unda qayd etilishicha, 7 yoshga to‘lganlar, shuningdek maktabda ta’lim olishga tayyorligi haqida psixologiya va pedagogika tashxis markazining tegishli xulosasini olgan 6 yoshli bolalar birinchi sinfga hech qanday dastlabki shartlarsiz qabul qilinadi.

“Maktabga qabul qilinmaslikka yagona sabab ushbu maktab biriktirilgan hududda yashamaydigan bolalar uchun joy yo‘qligi bo‘lishi mumkin, — deyiladi hujjatda. — Maktabga qabul qilish uchun qolgan barcha ‘qo‘shimcha shartlar’ noqonuniydir”.

Xatda shuningdek, maktabga asossiz ravishda qabul qilishmasa, xalq ta’limi vazirligiga yoki 1006 ishonch telefoni orqali murojaat qilish tavsiya etilgan.