Avgust oyi boshida Facebook’dagi “Общественный контроль” (“Jamoatchilik nazorati”) guruhida Xalq banki filiallarida shaxsiy jamg‘arib boriladigan pensiya hisobida to‘plangan mablag‘larni olish uchun 250 ming so‘mga lotereya chiptalarini sotib olishga majburlashayotgani haqida bahs-munozara ko‘tarildi.
Shundan so‘ng vaziyatga oydinlik kiritishni so‘rab Xalq banki raisiga rasmiy murojaat yuborildi, deb yozadi Uz24.uz.
Bank boshqarmasi 15-avgust kuni javob xatini yo‘lladi. Unda aytilishicha, O‘zbekiston Respublikasi Vazirlar Mahkamasi tomonidan 2002-yil 15-noyabrda tasdiqlangan “Lotereyani tashkillashtirish va o‘tkazish tartibi to‘g‘risida”gi Nizomning 31-punktiga ko‘ra, aholiga lotereya chiptalarini tarqatish ixtiyoriylik tamoyiliga rioya qilgan holda amalga oshiriladi.
Shunga asosan chiptalar faqat ixtiyoriy ravishda sotib olinishi kerak.
Xalq banki xodimlari tomonidan odamlarning lotereya chiptalarini sotib olishga majburlanishi hollari va qo‘llanilgan choralar haqida bank hech qanday izoh bermagan.
Izoh (0)