Xitoy janubi-g‘arbidagi Yunnan provinsiyasida ro‘y bergan yer silkinishida halok bo‘lganlar soni 410 kishiga yetdi. “ITAR-TASS”ning provinsiya ma’muriyatiga tayanib xabar berishicha, 12 kishi bedarak yo‘qolgan, 2373 kishi jarohatlangan, yana 230 ming kishi evakuatsiya qilingan.
Kelib tushgan xabarlarga ko‘ra, 80 mingta uy butunlay vayron bo‘lgan, yana 124 mingtasiga jiddiy zarar yetgan. Ofatdan jami bir milliondan ziyod aholi zarar ko‘rgan.
Eslatib o‘tamiz, 6,5 magnitudali (ba’zi manbalarda 6,1 magnitudali) zilzila mahalliy vaqt bilan 3-avgust 16:30 da (Toshkent vaqti bilan 3-avgust 13:30 da) bo‘lib o‘tdi. Zilzila o‘chog‘i Chjaotun shahridagi Ludyan uyezdi hududida 12 kilometr chuqurlikda joylashdi. Ushbu uyezdda 265 mingdan ortiq kishi yashaydi. U yerda telefon aloqasi uzilgan, qator binolar buzilgan, elektr uzatish liniyalari zararlangan. Xitoy OAVlari ta’kidlashicha, ushbu zilzila Yunnanda so‘nggi 14 yil ichida yuz bergan eng kuchlisi bo‘ldi.
Izoh (0)