AQShning Shimoliy Karolina shtatidagi Mary’s Gourmet Diner tamaddixonasi egalari ovqatdan oldin o‘qilgan duo uchun o‘z mijozlariga 15 foizli chegirma taqdim etadi. Bu haqda HLN xabar berdi.
Muassasa bekasi Meri Haglund chegirmaning doim ham berilavermasligini, buni xodimlar hal etishini aytdi.
Tamaddixonaning minnatdor tashrifchilaridan biri iyul oxirida Facebook’ka duo uchun berilgan chegirma aks etgan chek fotosuratini joylaydi. U bir necha kun ichida o‘n mingga yaqin “layk” yig‘adi. Restoranning ijtimoiy tarmoqdagi sahifasi muxlislari ham shundan keyin deyarli ikki barobar ko‘paygan.
Meri Haglund o‘z muassasasida bunday amaliyot to‘rt yildan buyon urfga kirganini ta’kidladi. “Biroq biz bunga qoida sifatida qaramaymiz. Shunchaki, kimdir ovqatlanishdan oldin duo o‘qib turganini ko‘rsam, chegirma orqali ularga o‘z minnatdorligimni izhor etaman”, — dedi u.
Izoh (0)