Tog‘li Qorabog‘da arman va ozarboyjon kuchlari tutashgan hududda vaziyat keskin bo‘lib qolmoqda. Armaniston mudofaa vaziri Seyran Oganyanning aytishicha, har qanday provokatsiya urushga aylanib ketishi mumkin, biroq hozircha keng ko‘lamdagi harakatlar uchun asos yo‘q.
Vesti.ru xabar berishicha, jang hududlariga ko‘ngillilar otryadlari yuborilgan. Armaniston mudofaa vaziri armiyaning qo‘shimcha safarbarliklarsiz qo‘yilgan vazifalarni hal etishga qodirligiga ishonch bildirdi.
So‘nggi kunlar ichida 71 nafar arman jangchilari halok bo‘lgan, yana 80 nafari yaralangan.
Armaniston va Ozarboyjon prezidentlari 8—9-avgust kunlari Sochida Tog‘li Qorabog‘dagi nizolarni tartibga solish bo‘yicha muzokaralar o‘tkazadi. Unda Rossiya vositachilik qiladi.
Izoh (0)