Ўзбекистон ҳукумати 1992 йилдаги Ўзбек республика 12 фоизли ички ютуқли заёми облигациялари бўйича индексация коэффициентини белгилади. Бу ҳақда Ўзбекистон Республикаси Вазирлар Маҳкамасининг 2014 йил 31 июлдаги тегишли қарорида айтилади, деб ёзади UzDaily.
Ҳужжатда айтилишича, 1994 йил июлидан 2014 йил июлигача энг кам ойлик иш ҳақи 1 373 марта ошганини ҳисобга олиб, заём облигацияларига 1,373 (1 рубль : 1,373 сўм) миқдорида индексация коэффициенти белгиланди.
Эслатиб ўтамиз, 2014 йилнинг 1 апрелидан 1 июлигача Ўзбекистон Республикаси Халқ банкининг масъул бўлинмалари аҳолидан заём облигацияларини қабул қилиб олди.
Пул маблағларини индексацияни ҳисобга олган ҳолда 1 августдан 30 ноябргача тўлаб бериш режалаштирилган.
Изоҳ (0)