Joriy yilning birinchi yarmida O‘zbekiston iste’molchilar huquqlarini himoya qilish jamiyatlari federatsiyasiga 2,6 mingdan ortiq yozma va 1 mingdan ziyod og‘zaki murojaat kelib tushgan. Shuning 92,6 foizi iste’molchilar foydasiga hal etildi. “Ishonch telefoni” orqali tushgan murojaatlarning aksariyati bo‘yicha tegishli choralar ko‘rildi, qolgan arizalar yuzasidan federatsiya vakolati doirasida tushuntirishlar berildi.
“Yana shuni ta’kidlash kerakki, fuqarolarning dolzarb masalalarini hal etishda muvozanatni saqlashga harakat qilamiz, — deydi O‘zbekiston iste’molchilar huquqlarini himoya qilish jamiyatlari federatsiyasi raisi Olimjon Jumayev. Sog‘lom bola yilida ishlab chiqilgan ko‘plab loyihalarni fuqarolar yashash joylarida amalga oshirmoqdamiz. Bu borada doimiy hamkorlarimiz bo‘lgan “Mahalla” xayriya jamoat fondi, fuqarolar yig‘inlari va bevosita aholi bizni qo‘llab-quvvatlamoqda”.
Izoh (0)