Iordan daryosi G‘arbiy qirg‘og‘idagi shaharlarda reydlar chog‘ida Isroil askarlari HAMAS harakatidan bo‘lgan 23 nafar falastinlik, jumladan Falastin qonunchilik kengashining 11 nafar parlament a’zosini qo‘lga oldi. Bu haqda “ITAR-TASS” xabar berdi.
13-iyun kuni Isroil Iordan daryosining G‘arbiy qirg‘og‘ida Xevron shahridan o‘g‘irlab ketilgan uch nafar isroillik talabalarning qotilini izlash bo‘yicha yopirilma harbiy operatsiyani boshlab yuborgan edi. Operatsiyaning faol bosqichi uch hafta davom etdi, o‘sha vaqt davomida yuzlab falastinliklar, jumladan HAMASning o‘ndan ortiq parlament a’zolari va qonunchilik kengashi spikeri Abdul Aziz ad-Dueyka hibsga olingan.
O‘z faollarining qo‘lga olinganiga javoban, HAMAS jangarilari iyun o‘rtalaridan Isroil hududini G‘azo sektoridan turib raketalar bilan o‘qqa tuta boshladi.
Isroil bosh vaziri Binyamin Netanyaxu o‘spirinlarning qotilligida HAMASni aybladi.
Izoh (0)