O‘zbekiston Mehnat va aholini ijtimoiy muhofaza qilish vazirligi rahbari o‘zgardi. Ushbu o‘zgarish Gov.uz portalidagi O‘zbekiston hukumatining shaxsiy tarkibi sahifasida tasdiqlangan, deya xabar beradi “Kun”.
Shu kungacha O‘zbekiston Xususiylashtirish, monopoliyadan chiqarish va raqobatni rivojlantirish davlat qo‘mitasiga raislik qilib kelgan Aziz Abduhakimov O‘zbekiston mehnat va aholini ijtimoiy muhofaza qilish vaziri etib tayinlangan.
Aziz Abduhakimov 2012-yil noyabridan beri Xususiylashtirish, monopoliyadan chiqarish va raqobatni rivojlantirish davlat qo‘mitasiga rahbarlik qilib kelayotgan edi. Bungacha esa 2010-yil martidan Davlat mulkini boshqarish qo‘mitasi raisi vazifasini bajaruvchi sifatida ishlagan.
2010-yildan Mehnat va aholini ijtimoiy muhofaza qilish vazirligiga rahbarlik qilib kelgan Aktam Hayitov qaysi ishga o‘tkazilgani, shuningdek, davlat qo‘mitasiga endi kim rahbarlik qilishi haqida ma’lumotlar yo‘q.
Izoh (0)