O‘zbekistondagi maktab kutubxonalari avtomatlashgan tizimga o‘tadi

Toshkentda “KaDaTa Server va KaDaTa Cloud avtomatlashgan axborot-kutubxona tizimi” mavzusiga bag‘ishlangan taqdimot bo‘lib o‘tdi. Bu haqda Infocom.uz xabar berdi.

Ushbu taqdimotning asosiy maqsadi maktab kutubxonalari rahbarlarini axborot-kutubxona tizimining yangi versiyalari bilan tanishtirishdan iborat bo‘ldi.

KaDaTa Server 3.0 server uskunasining barqaror ishlashini ta’minlay oladigan yirik kutubxonalar uchun mo‘ljallangan. Ushbu tizim kutubxonadagi serverning o‘ziga o‘rnatiladi. U kutubxona axborot manbalariga mahalliy server va internet orqali kirish, manbalarni qayta ishlash va foydalanuvchilarga xizmat ko‘rsatish jarayonlarini avtomatlashtirish imkonini beradi.

KaDaTa Cloud 3.0 esa kichik kutubxonalar uchun mo‘ljallangan onlayn axborot tizimidir. U KaDaTa Server 3.0’n ing deyarli barcha xususiyatlarini o‘ziga jamlagan. Shu bilan birga, u internetga ulanmasdan turib, axborot bilan ishlash imkonini beradi.