JCh — 2014 guruh bosqichi so‘nggi 3-turidan o‘rin olgan Avstraliya – Ispaniya uchrashuvi o‘z nihoyasiga yetdi va unda Del Boske shogirdlari 0:3 hisobidagi g‘alabani qo‘lga kiritishdi. Bu haqda Uff.uz xabar berdi.
Bu g‘alaba ispanlarga “B” guruhidagi birinchi yoki ikkinchi o‘rinni egallash imkoniyatini taqdim etmadi.
Uchrashuvning 36-daqiqasida David Vilya raqiblar darvozasini ishg‘ol qilib, uchrashuvdagi hisobni ochdi.
Avstraliya ham ikkinchi qavatda raqiblariga qiyinchilik tug‘dirishga urindi, biroq birinchi bo‘lim kichik hisobda yakunlandi.
Ikkinchi bo‘limning 69-daqiqasida bu musobaqada juda omadsiz harakat qilayotgan Torres oradagi farqni ikkitaga yetkazdi.
Zaxiradan maydonga tushirilgan “Manchester Yunayted” yarim himoyachisi Xuan Mata bo‘lsa 82-daqiqada darvozabon oyoqlari orasidan to‘pni aniq darvoza to‘riga yo‘lladi va hisobni yirik 0:3 ko‘rinishiga olib keldi.
Shu tariqa o‘yin Ispaniya foydasiga yakunlandi, ammo “Qizil furiya” musobaqa bilan xayrlashdi. Nima ham derdik, xayrlashuv chiroyli chiqdi.
JCh — 2014“B” guruhi
Avstraliya – Ispaniya 0:3 (0:1, 0:2)Gollar: 0:1 – 36 Vilya, 0:2 – 69 Torres, 0:3 – 82 Mata.Avstraliya – Rayan, Makgouen, Uilkinson, Shpiranovich, Devidson, Yedinak, Makkey, Bozanich (Breshiano, 72), Lekki, Taggart (Xelloran, 46), Our (Troysi, 61).Ispaniya – Reyna, Xuanfran, Ramos, Albiol, Alba, Inesta, Alonso (Silva, 84), Koke, Kasorla (Fabregas, 68), Vilya (Mata, 57), Torres.Ogohlantirishlar: Ramos (62), Shpiranovich (88), Yedinak (90).
Izoh (0)