Jahon chempionati musobaqalarining “G” guruhi 2-turidan o‘rin olgan AQSh hamda Portugaliya terma jamoalari o‘rtasidagi uchrashuv nihoyasiga yetdi. Unda 2:2 hisobi qayd etilib, jangovor durang ko‘rinishida yakunlandi, deb yozadi Uff.uz.
Dastlab, Nani o‘yinning 5-daqiqasidanoq jamoasini oldinga olib chiqdi. Kiritilgan goldan so‘ng AQSh futbolchilari oldinga tashlanishdi va hujumlarni tindirishmadi. Lekin, portugaliyaliklar o‘z darvozalari daxlsizligini saqlab qola olishdi. Birinchi bo‘limda boshqa hisob o‘zgarmadi.
Ikkinchi bo‘limda Klinsman bir qator ko‘rsatmalar berdi chog‘i, AQSh yaxshiroq o‘ynay boshladi. Shunday hujumlarning samarasi o‘laroq, Jons 64-daqiqada hisobni tenglashtirdi. 1:1 hisobidan so‘ng o‘yin ancha kuchayib bordi. 81-daqiqada Dempsi qorni bilan darvozani ishg‘ol qildi va AQShni oldinga olib chiqdi. Go‘yoki Portugaliya uchun hammasi tugagandek bir paytda Varela javob golni yo‘lladi. Tabloda esa 90+5 daqiqa porlab turardi.
Shu tariqa jamoalar durang qayd etishib, bittadan ochkoga ega bo‘lishdi. Hali ikki jamoada ham keyingi bosqichga chiqish imkoni saqlanib turibdi.
Jahon chempionati, 2-tur “G” guruhiAQSh – Portugaliya — 2:2Gollar: 0:1 – 5 Nani, 1:1 – 64 Jons, 2:1 – 81 Dempsi, 2:2 – 90+5 Varela.AQSh – Xovard, Jonson, Kemeron, Bezler, Bisli, Bredli, Jons, Bedoyya (Yedlin, 72), Bekkerman, Zusi (Gonsales, 90), Dempsi (Vondolovski, 87).Portugaliya – Betu, Pereyra, Alvesh, Koshta, Almeyda (Karvalyu, 46), Velozu, Moutinyu, Nani, Meyrelesh (Varela, 69), Ronaldu, Poshtiga (Eder, 16).Ogohlantirishlar: Jons (75).
Izoh (0)