Ukraina prezidenti Pyotr Poroshenko Lugansk va Donetsk viloyatlari davlat ma’muriyatlari rahbarlarini o‘zining tinchlik rejasi bilan tanishtirdi. Bu haqda Euronews xabar berdi.
Reja mazmuni rasman e’lon qilinmadi. Uchrashuvda hozir bo‘lgan jurnalistlar hujjatning faqat suratini chop qilishdi.
Unda turli narsalar bilan birga, qurolsizlanish, qurol tashlaganlar uchun amnistiya, hukumatni markazlashmagan tizimga o‘tkazish sohasidagi konstitutsiyaviy islohot ehtimoli, rus tili himoyasi, shuningdek, Rossiya bilan chegara bo‘ylab qalqonli zona tashkil etish haqida gap boradi.
Juma kuni Ukraina mudofaa vazirligi kuchlar davlat chegarasida nazoratni to‘liq tiklagani, jangarilik harakatlari ketayotgan tumanlarni o‘rab olganini xabar qilgan edi.
Izoh (0)