Украина президенти Пётр Порошенко Луганск ва Донецк вилоятлари давлат маъмуриятлари раҳбарларини ўзининг тинчлик режаси билан таништирди. Бу ҳақда Euronews хабар берди.
Режа мазмуни расман эълон қилинмади. Учрашувда ҳозир бўлган журналистлар ҳужжатнинг фақат суратини чоп қилишди.
Унда турли нарсалар билан бирга, қуролсизланиш, қурол ташлаганлар учун амнистия, ҳукуматни марказлашмаган тизимга ўтказиш соҳасидаги конституциявий ислоҳот эҳтимоли, рус тили ҳимояси, шунингдек, Россия билан чегара бўйлаб қалқонли зона ташкил этиш ҳақида гап боради.
Жума куни Украина мудофаа вазирлиги кучлар давлат чегарасида назоратни тўлиқ тиклагани, жангарилик ҳаракатлари кетаётган туманларни ўраб олганини хабар қилган эди.
Изоҳ (0)