Покистондаги Карачи халқаро аэропортига жангарилар ҳужум қилиши натижасида камида 23 киши ҳалок бўлди, дея хабар берди CNN.
Қурбонлар орасида аэропорт хавфсизлик кучларининг 8 ходими, Pakistan International Airlines’нинг икки ишчиси ва бир рейнжер бор. Ҳужум чоғида, шунингдек ўн жангари ҳам ўлдирилган. Ҳужум қайтарилган, йўқ қилинган террочилардан қурол-яроғ ва гранатомётлар олиб қўйилган.
9 июнга ўтар кечаси қуролланган жангарилар «Жинна» халқаро аэропортининг иккита терминалига ҳужум уюштирган. Улар бинога қўл гранаталари ирғитишган ва ўқ отувчи қуроллардан ўт очишган. Ҳужумчилар орасида худкушлар ҳам бўлиб, улар ўзларини портлатган.
Ҳужум учта самолётга ҳам зиён етказган. «Жинна» ишлашдан тўхтади, ходимлар ва соқчиларни зудлик билан эвакуация қилишди. Баъзи йўловчилар учиб келиш залида қамалиб қолишди.
Изоҳ (0)