Aholidan sotib olib, chet eldagi kolleksionerlarga qayta sotish maqsadida O‘zbekiston hududidan noqonuniy ravishda olib chiqib ketilmoqchi bo‘lgan tarixiy-madaniy ashyolar bojxona xodimlari tomonidan musodara qilingach, mamlakatdagi muzeylarga topshirilmoqda. Bu haqda Uzbekistan Today xabar berdi.
“Bunday qonunbuzarliklar nafaqat moddiy zarar keltiradi, balki ma’naviy va madaniy merosimizga ham talafot yetkazadi”, — deyiladi xabarda.
Bunday faktning har biri bo‘yicha Madaniyat va sport ishlari vazirligining badiiy ekzpertiza boshqarmasi xodimlari ilmiy-san’atshunoslik ekspertizasini o‘tkazadi. Sud esa qimmatbaho buyumlarni musodara etish va muzeylarga topshirish bo‘yicha qaror chiqaradi.
Xususan, “Keles” temir yo‘l bojxona postida qo‘lga kiritilgan madaniy ahamiyatga ega bo‘lgan buyumlar va 175 nusxadagi tangalar kolleksiyasi musodara qilingan. Tangalar Tarix muzeyi numizmatika fondiga, qolgan buyumlar esa O‘zbekiston Davlat san’at muzeyiga taqdim etilgan.
Izoh (0)