Тошкентдаги Инҳа университетига кирмоқчи бўлган абитуриентларга IELTS сертификатини тақдим этиш учун қўшимча муддат берилади

Тошкентдаги Инҳа университетига кириш учун онлайн рўйхатдан ўтиш жараёнида IELTS сертификатига эга бўлмаган абитуриентлар учун қўшимча имконият тақдим этилди. Бу ҳақда Infocom.uz хабар берди.

IELTS сертификатининг асл нусхасига эга бўлган абитуриентлар онлайн рўйхатдан ўтиш чоғида ўз балларини кўрсатиши ва 2014 йилнинг 5 июлигача қабул комиссиясига IELTS сертификати нусхаларини тақдим этиши керак.

Сертификати бўлмагани туфайли 5 июлгача уни тақдим эта олмаган бироқ 26 июлгача сертификат олиши аниқ бўлган абитуриентларга камида 5 балли IELTS сертификати асл нусхасини суҳбат кунида топшириш шарти билан қўшимча муддат белгиланади.

Бундай абитуриентлар онлайн рўйхатдан ўтиш жараёнида IELTS бўйича тўпланган балл кўрсатиладиган жадвални очиқ қолдиришлари керак.

27 июлгача IELTS сертификатини тақдим эта олмаган абитуриентлар суҳбатга киритилмайди ва университетга қабулдан четлатилади.