NATO Ukrainadagi vaziyatni inobatga olib, Sharqiy Yevropaga doimiy qo‘shin guruhlarini joylashtirish masalasini ko‘rib chiqadi. Bu haqda “ITAR-TASS” xabar berdi.
“Bu masalani biz ko‘rib chiqishimiz va mamlakatlarimiz rahbarlari o‘rtasida muhokama qilinishiga erishishimiz kerak, deb o‘ylayman”, — dedi Yevropadagi Shimoliy Atlantika alyansi qurolli kuchlari birlashmasi generali Filip Bridlav.
Bridlav Kanada bosh vaziri Stiv Xarper bilan uchrashdi. Uchrashuvda Xarper Kanada NATOning so‘rovidan keyin o‘zining harbiy kuchlarini Sharqiy Yevropaga – NATO ixtiyoriga yuborganini ma’lum qildi.
NATO bosh kotibi Anders Fog Rasmussenning ta’kidlashicha, alyans zarurat tug‘ilsa o‘ziga a’zo davlatlar xavfsizligini ta’minlash uchun yangi chora-tadbirlar ko‘rishga tayyor.
Shuningdek, bosh kotib Ukrainadagi inqiroz tufayli NATO Boltiqbo‘yi davlatlar havo hududlarini jangovar samolyotlar yordamida qo‘riqlash ishlarini kuchaytirganini, Polsha va Ruminiya hududlarida esa AWACS rusumidagi razvedkachi-samolyotlar parvozini yo‘lga qo‘yganini eslatib o‘tdi.
Izoh (0)