Ukraina o‘zining Qrim bilan chegarasini vaqtincha yopib qo‘ydi

Ukraina hukumati Qrim bilan chegarasidagi o‘tkazish punktini vaqtincha yopishga qaror qildi. Bu haqda Ukraina vazirlar mahkamasi saytiga asoslanib, “RIA Novosti” xabar berdi.

Saytda qayd etilishicha, tashqi ishlar vazirligiga Ukrainadagi xorijiy davlatlar diplomatik vakolatxonalari hamda Ukrainaning diplomatik vakolatxonalari va konsullik muassasalarini o‘tkazish punktlari va nazorat punktlari vaqtinchalik yopilgani haqida xabardor qilish topshirilgan.

Hujjatga berilgan ilovada gap Qrim va Sevastopolda joylashgan o‘tkazish punktlari haqida borayotgani ta’kidlangan.