Alisher Usmonov va Anton Vinerga tegishli bo‘lgan “Ximki Grupp” kompaniyasi 2014-yilning so‘ngiga qadar “Vatutinki Olimpiada qishlog‘i” turar-joy kompleksini qurishni boshlaydi. Bu haqda RBK daily gazetasi xabar qildi.
“Yangi Moskva”dagi qurilish joyini tadbirkor ushbu hudud Rossiya poytaxtiga qo‘shilguniga qadar xarid qilgan edi. Yozda kompaniya qurilish uchun mo‘ljallangan turar-joyning loyihasini qabul qilishni rejalashtirmoqda. Yilning to‘rtinchi choragida esa qurilish ishlari boshlanadi. Qurilish uchun “Sberbank” va kompaniya hissadorlari mablag‘ kiritadi.
Moskva halqa avtomobil yo‘lidan 12 kilometr uzoqlikda joylashgan to‘rt gektarlik hududda jami 60 ming kvadrat metrdan iborat ko‘chmas mulk barpo etish rejalashtirilgan. Shundan 45 ming kvadrat metrida turar-joy binolari, qolganida esa ijtimoiy obyektlar, jumladan, badiiy gimnastika markazi, boks va akademik eshkak eshish maktablari tashkil etiladi.
Izoh (0)