Xitoyning Guandun provinsiyasida qurilayotgan ko‘prik qulashi natijasida kamida 11 kishi halok bo‘ldi. Bu haqda “RIA Novosti” xabar berdi.
Hodisa 3-may, shanba kuni provinsiyadagi aholi punktlaridan birida sodir bo‘ldi. Qutqaruvchilar xarobalar ostidan 27 kishini chiqarib oldi. Besh kishi voqea joyida vafot etgan, sakkiz kishi og‘ir jarohat olgan va shifoxonaga yotqizilgan. Ularning olti nafari keyinroq shifoxonada hayotdan ko‘z yumgan.
Ma’lum bo‘lishicha, ko‘prik qurilishi hukumat ruxsatisiz olib borilgan. Aprel oyida mahalliy hukumat qurilishni to‘xtatishni talab qiluvchi qaror chiqargan, biroq ishlar may boshida yana yangilangan.
Izoh (0)