Sulton Sulaymon Usmonlilar imperiyasining eng qudratli va mashhur hukmdorlaridan biri sifatida tarixda qolgan. Agar “Muhtasham yuz yil” serialiga ishonilsa, Sulaymon tongni davlat ishlari bilan shug‘ullanishdan boshlagan, kunni Xurram bilan uchrashuvlar bilan davom ettirgan va jang maydonidagi g‘alabalar bilan yakunlagan.
Sultonning dasturxonida asosan go‘shtli yeguliklar, quyuq ichimliklar, jumladan, sharbatlar taomnomaning ajralmas bo‘lgan. Bunday kaloriyali ovqatlanish, albatta, uning salomatligiga ta’sir ko‘rsatgan va keyinchalik jismoniy holatini yomonlashtirgan.
Sharbatlar
Usmonlilar imperiyasida yuqori vakolatli odamlar deyarli suv ichmagan, uning o‘rniga Sulaymon har kuni sharbat iste’mol qilgan. Bunday sharbat hozirgi biz bilgandan ancha farq qiladi, u juda quyuq, turli ta’mli, ziravorli, desertga o‘xshash bo‘lgan. U meva va o‘tlardan tayyorlangan. Bunday sharbat juda to‘yimli va kaloriyali bo‘lib, u sultonning sevimli gazagi — qovurilgan go‘sht, baliq va dudlangan sabzavotlar bilan tortilgan.
Go‘shtli taomlar
Sulaymon bolaligidan go‘shtli taomlarni afzal bilgan. Tarixchilar aytishicha, yoshi ulg‘aygan sayin bunday go‘shtxo‘rlik sultonning podagra kasalligiga chalinishiga sabab bo‘lgan. Bu “qirollar kasalligi” deb ataluvchi xastalik go‘sht va shirinliklarni ortiqcha iste’mol qilishdan kelib chiqadi.
Ma’lumot uchun: Podagra — bu suyaklar va bo‘g‘imlarda og‘riq va yallig‘lanish bilan namoyon bo‘ladigan surunkali metabolik kasallikdir. U asosan qo‘l va oyoqlardagi bo‘g‘imlarda, ayniqsa, katta barmoqda yuz beradi. Podagra, odatda, organizmda purin moddalarining haddan tashqari ko‘payishi va bu moddalar kristallariga aylanib, bo‘g‘imlarda to‘planishi natijasida yuzaga keladi. Bu kristallar bo‘g‘imlarda yallig‘lanishni keltirib chiqaradi va og‘riqni kuchaytiradi.
Shu sababli sulton ratsionidan go‘shtli taomlar qisqartirilishga to‘g‘ri kelgan, biroq Sulaymon shirin taomlarga bo‘lgan ishtiyoqini umrining oxirigacha saqlab qolgan.
Ot go‘shti va qo‘y go‘shti Selimni halok qilgan
Sulaymonning o‘g‘li Selim ham go‘shtga ishqiboz edi. Ba’zi manbalarga ko‘ra, bir kuni u ot go‘shti va qo‘y go‘shtidan tayyorlangan kolbasani haddan tashqari ko‘p yeb, ustidan suv ichgan va... vafot etgan. Saroy tabiblari bu o‘limda zaharni emas, aynan ovqatni ayblagan.
Izoh (0)