Hukumat qarori bilan Ichki ishlar vazirligi tomonidan 2025-yil yakuniga qadar chorraha va yo‘llardagi barcha maxsus texnika vositalari to‘liq xatlovdan o‘tkaziladi. Bu haqda Prezident matbuot xizmati xabar berdi.
Shuningdek, xatlov natijalari bo‘yicha o‘zboshimchalik bilan yoki belgilangan tartibga rioya etmagan holda o‘rnatilgan, texnik va standart talablariga javob bermaydigan texnika vositalari demontaj qilinadi.
Shu bilan birga, haydovchilar tomonidan tezlikni oshirish holatlari ko‘plab kuzatilayotgan hududlarda avtomashinalarning ayni vaqtdagi tezligini ko‘rsatib ogohlantiruvchi elektron tablolar o‘rnatiladi.
Bundan tashqari, tadbirkorlarning maxsus texnika vositalaridan foydalanishda shaxsga doir maʼlumotlar xavfsizligini taʼminlash, suiisteʼmolchiliklarning oldini olish choralari ko‘riladi.
Izoh (0)